- Ný kerfi hjá Isavia frá OneSystems
Isavia ohf hefur gert samkomulag um kaup á kerfum frá OneSystems. Nýju kerfin munu leysa af hólmi eldri kerfi m.a. Lotus Notes. Um er að ræða kerfin:
- One Records sem er mála- og skjalastjórnunarkerfi sem gerir fyrirtækjum og stofnunum kleift að stofna mál og flokka skjöl undir þau. Hvert mál hefur ákveðinn líftíma, öryggi, ábyrgðarmann, einkvæmt númer, málaflokkun, málalykil og aðrar upplýsingar sem skipta máli við úrvinnslu málsins.
Kerfin byggja á Microsoft stýrikerfum og vefviðmóti og uppfylla ýtrustu kröfur um skjalaöryggi og rekjanleika. Helstu kostir One kerfa eru léttur biðlari, hraði, öflugar aðgangsstýringar, öryggi á gögn ásamt einföldu og þægilegu viðmóti fyrir notandann og þægileg vinnsla á móti Microsoft Office.
Um Isavia
Isavia ohf. er nýtt opinbert hlutafélag sem var stofnað um sameinaðan rekstur Keflavíkurflugvallar ohf. og Flugstoða ohf. Með sameiningu þessara félaga var rekstur flugvalla- og flugleiðsöguþjónustu í landinu gerður skilvirkari og um leið var lagður grundvöllur að aukinni samþættingu á sviði flugs og viðskipta. Hjá Isavia starfa um 600 manns en ef starfsmenn dótturfyrirtækja eru taldir með þá starfa í heildina um 700 manns hjá fyrirtækinu. Dótturfyrirtæki Isavia eru Tern Systems og Fríhöfnin á Keflavíkurflugvelli. Um áramótin mun rekstur dótturfélagsins Gannet (Flugfjarskipta) færast inn í rekstur Isavia. Miðað við starfsmannafjölda er fyrirtækið eitt það stærsta á Íslandi. Höfuðstöðvar Isavia eru á Reykavíkurflugvelli en starfsstöðvar eru út um allt land enda flugvellir víða á Íslandi.
Flugvellir og flugleiðsaga eru okkar fag
Isavia rekur alla flugvelli á Íslandi og stýrir jafnframt flugumferð á íslenska flugstjórnarsvæðinu sem er 5,4 milljónir ferkílómetra að stærð og er eitt stærsta flugstjórnarsvæði heims. Svæðið nær frá Greenwich-lengdarbaugnum í austri og vestur fyrir Grænland, frá Norðurpólnum og suður fyrir Færeyjar og langleiðina til Skotlands.
Flug um íslenska flustjórnarsvæðið
Á degi hverjum fara á bilinu 1200 - 1300 flugvélar yfir Norður - Atlantshafið. Um íslenska flugstjórnarsvæðið fara að meðaltali tæplega 300 flugvélar á sólarhring.Nánar um Isavia www.isavia.is
| < Fyrri | Næsta > |
|---|
