Alls hafa um 1100 manns skráð sig í íbúagátt Mosfellsbæjar á þeim tveimur vikum sem liðnar eru síðan hún var tekin í notkun, en hún veitir íbúum rafrænan aðgang að stjórnsýslu bæjarfélagsins.
Að sögn Ingimars Arndal, framkvæmdastjóra OneSystems, sem sá um uppsetningu á íbúagáttinni, eru það betri viðtökur en þekkst hafa í nokkru öðru sveitarfélagi sem fyrirtækið hefur aðstoðað við slíka uppsetningu.
.Með tilkomu íbúagáttarinnar hefur Mosfellsbær stigið mikilvægt skref í átt að markmiðum sínum um skilvirka og ábyrga stjórnsýslu,. sagði Haraldur Sverrisson bæjarstjóri Mosfellsbæjar.
.Segja má að með íbúagáttinni séu bæjarbúar komnir í beint samband við bæinn sinn því nú geta þeir með rafrænum hætti sótt um þjónustu til sveitarfélagsins, sent inn formleg erindi, fylgst með framgangi sinna mála, skoðað greiðslustöðu, komið ábendingum á framfæri og ýmislegt fleira,. bætti Haraldur við.
Mynd (fv): Haraldur Sverrisson bæjarstjóri í Mosfellsbæ og Ingimar Arndal, framkvæmdastjóri OneSystems.
Íbúagáttinni er ætlað að auka sjálfvirkni og gagnvirkni í meðferð mála og erinda fyrir íbúa bæjarins, sem geta þá fylgst með stöðu á eigin málum og erindum á rafrænan hátt.
Íbúar munu einnig geta séð stöðu fasteignagjalda, leikskólagjalda, tekið þátt í gagnvirku íbúalýðæði og samráði, sent inn erindi, umsóknir ofl. Vefgáttin gefur möguleika á þjónustu 24 tíma á sólarhring, sjö daga vikunnar.
Íbúgáttin mun einnig bjóða uppá rafræna innskráningu með rafrænum skilríkjum sem gefin verða út í vetur með endurnýjun debet og kreditkorta hjá bönkunum.
Fyrr á árinu gekk Mosfellsbær til samninga við hugbúnaðarfyrirtækið OneSystems um kaup og uppsetningu á íbúagátt fyrir rafæna gagnvirka þjónustu við íbúa Mosfellsbæjar.
Íbúagáttarkerfið sem kallast OnePortal Citizen og er stöðluð lausn frá OneSystems sem mun, auk tenginga við bakendakerfi sveitarfélagsins, auka verulega þjónustu sveitarfélagsins við íbúa.
Arnar Pálsson, stjórnsýsluráðgjafi frá Parx ráðgjöf, kom að skipulagingu og þarfagreiningarvinnu fyrir íbúagáttina, en verkefnastjóri af hálfu Mosfellsbæjar var Brynhildur Georgsdóttir, bæjarritari.
| < Fyrri | Næsta > |
|---|
