OneSystems Ísland ehf. hefur undanfarna mánuði unnið að verkefni í rafrænum undirskriftum fyrir Lettland, segir í tilkynningu frá félaginu. Þar kemur fram að um er að ræða verkefni sem er styrkt að hluta af Evrópusambandinu og unnið í samvinnu við Samtök sveitarfélaga í Lettlandi og lettneska ríkið.
.Þróunarsvið OneSystems skilar verkefninu af sér núna í desembermánuði 2008 en markmið með þessu verkefni er að stofnanir geti sent frá sér og tekið á móti öllum opinberum skjölum innan opinbera geirans í Lettlandi með löglegum rafænum undirskriftum sem byggja á rafrænum skilríkjum, ekki ósvipuðum og fjármálaráðuneytið stendur fyrir hérna á Íslandi í samvinnu við Auðkenni og íslensku bankana þar sem rafrænu skilríkjum er dreift á debetkort.
OneSystems hefur einnig tekið þátt í prófunum og útfærslu á rafænum auðkennum í tengslum við OnePortal rafrænu vefgáttirnar sem sveitarfélög og stofnanir á Íslandi hafa tekið í notkun, í samskiptum sínum við íbúa og viðskiptavini ofl. Einnig er OneSystems falið að útfæra innri ferla hjá stofnunum sem taka þátt í verkefninu. Mikil hagræðing felst í því að koma bréfa-, mála- og erindasamskiptum í rafrænan farveg og að öll skjöl sem undirrituð eru séu undirrituð rafrænt, og sú undirskrift sé að fullu gild. Í Lettlandi hafa tekið gildi lög þar sem að rafrænt undirritað skjal er jafngilt því sem ritað er undir á pappír,. segir í tilkynningunni.
OneSystems hefur unnið nokkur verkefni á erlendri grund, sem kemur sé vel nú í kreppunni og eru flest þeirra styrkt með beinum eða óbeinum hætti af Evrópusambandinu eða öðrum sambærlegum styrktaraðilum, þar sem um mikilvæga þróun er að ræða fyrir þessi lönd sem kemur þeim í tæknilega forystu í rafrænum viðskiptum.
Meðal annars vegna slíkra verkefna mun fyrirtækið eiga góða möguleika á að standa vel af sér kreppuna þar sem hluti af tekjum þess kemur erlendis frá og er bundið í evrum, að sögn Ingimars Arndal, framkvæmdastjóra OneSystems Ísland ehf. Að sögn Ingimars hefur fyrirtækið þegar undirritað a.m.k. fimm ný verkefni sem unnin verða fyrir lettnesk stjórnvöld í rafrænni stjórnsýslu sem unnin verða á árunum 2009-2010.
.OneSystems Ísland ehf. er fyrirtæki sem sérhæfir sig í rafrænni stjórnsýslu og rafrænum stjórnsýsluferlum og eru nú meðal viðskiptavina 50 sveitarfélög um land allt auk annara aðila. Dæmi um viðskiptavini eru: Geislavarnir ríkisins, Samherji, Verðlagsstofa skiptaverðs, Samkeppniseftirlitið, Ríkisútvarpið, Íbúðalánasjóður, Glitnir (Íslandsbanki) Logos lögmannstofa, Umferðarstofa, Heilbrigðiseftirlitið, Jafnréttisstofa, Verslunarmannafélag Reykjavíkur VR, AFL Starfsgeinafélag, Kennarasamband Íslands, Sjóvá-Almennar tryggingar, Samtök íslenskra sveitarfélaga, Strætó BS, Tónstöðin. Einnig er nokkur fjöldi viðskiptavina erlendis,. segir í tilkynningunni.
| < Fyrri | Næsta > |
|---|
